Մածունով Գաթա

Բաղադրատոմսի համար մեզ հարկավոր է՝

1 ձու

1 ձվի սպիտակուց

1 բաժակ մածուն

60 գ շաքարավազ

4 բաժակ ալյուր

200 գ կարագ կամ մարգարին

1 թեյի գդալ սոդա

Խորիզ

170 գ շաքարավազ

150 գ ալյուր

1,5 ճաշի գդալ յուղ

վանիլին

 

Պատրաստում ենք խմորը

3 բաժակ ալյուրը տրորում ենք կարագի հետ և ստանում փշրվող զանգված։  Ապա, ավելացնում ենք շաքարավազը և կրկին տրորում ստացված զանգվածի հետ։ Ավելացնում ենք 1 ձուն և 1 ձվի սպիտակուցը, մածունը և սոդան։ Ստացված խառնուրդը շաղախում ենք և սկսում հունցել։   Հունցելու ընթացքում ավելացնում ենք 4-րդ բաժակ ալյուրը և շարունակում հունցել։

Խմորը տեխափոխում ենք սեղանի վրա և հավաքում։ Ստացված խմորը դնում ենք խորը տարայի մեջ, ծածկում և դնում սառնարան։ Կարևոր է որ խմորը չտաքանա։

 

⇒ Խորհուրդ

---

Եթե կարագը սառն է և պինդ, կարելի է այն անցկացնել քերիչի միջով։ Այսպես այն կմանրանա և ավելի շուտ կձուլվի ալյուրի հետ։

 

Խորիզ

Խառնում ենք շաքարավազը, ալյուրը, վանիլինը և յուղը։ Ապա զանգվածը տրորում ենք մինչև ստանանք միասեռ փշրվող զանգված։   

 

Պատրատում ենք գաթաները

Խմորը բաժանում ենք 2 մասի և գրտնակով բացում ենք։ Խորիզը նույնպես բաժանում ենք երկու մասի և տարածում խմորի կտորների վրա։ Փաթաթում ենք խմորը այնպես որ ստացվի ռուլետ։ Ռուլետը պատում ենք ձվի դեղնուցով և կտրատում ենք համաչափ կտորներով։

Գաթաները դնում ենք ջեռոց 180 C ջերմաստիճանում և եփում ենք 20-25 րոպե։

 

 

Մաղթում ենք Ձեզ բարի ախորժակ։ 

Սիրով՝ Ռեդդի